Актор Дэвід Духоўны называе сябе ўкраінцам
Такое разуменне сваёй ідэнтычнасці прыйшло да зоркі серыялу “Сакрэтныя матэрыялы” пасля падзеяў ва Украіне.
Дагэтуль вядомы галівудскі акцёр меркаваў, што ён рускі. Пра гэта Дэвід Духоўны паведаміў на сваёй афіцыйнай старонцы ў Твітары.
“Я вырас, думаючы, што я — рускі, толькі для таго, каб даведацца, што я быў заўсёды ўкраінцам. Ніколі не позна змяняцца”, — напісаў амерыканскі актор.
Дагэтуль у сваіх інтэрв'ю Духоўны казаў, што ягоныя продкі — расійскія габрэі, а дзед прыехаў у ЗША з Кіева.
