Адзін год жыцця Сонца за 6 хвілінаў: NASA апублікавала ашаламляльнае відэа
Нацыянальнае аэракасмічнае агенцтва ЗША (NASA) апублікавала 6-хвілінны відэаролік, які паказвае адзін год з жыцця Сонца. На відэа можна пабачыць, як мяняецца свяціла цягам 13 месяцаў: як вагаецца яго памер і якія ўспышкі на ім адбываюцца.
Ролік складзены са здымкаў, зробленых на спецыяльным абсталяванні абсерваторыі агенцтва на 10 розных даўжынях хваляў з перыядычнасцю ў 12 секунд.
Сонца фатаграфуюць, каб зразумець складаную электрамагнітную сістэму, якая выклікае заўсёдны рух на гэтай зорцы.
