Адваката, які абараняў Сяргея Ціханоўскага, пазбавілі ліцэнзіі
Сяргей Ціханоўскі / Еўрарадыё
Адвакат Віктар Мацкевіч, які абараняў палітвязня Сяргея Ціханоўскага, пазбаўлены ліцэнзіі. Гэта значыць, што ён не зможа наведваць Ціханоўскага ў калоніі і перадаваць яму навіны ад блізкіх.
Святлана Ціханоўская назвала Мацкевіча прафесіяналам, які абараняў палітвязняў:
"Я дзякую яму за тую годнасць, з якой ён увесь гэты час рабіў сваю працу, і клопат, які выказваў у адносінах да майго мужа і іншых сваіх кліентаў. Гэта вельмі важна — мець дапамогу адваката, калі ты знаходзішся ў Беларусі: і як абаронцы, і як паплечніка, і як чалавека, які перадае навіны ад блізкіх".
Ціханоўская падкрэслівае, што за два з паловай гады рэжым Лукашэнкі не змог зламіць яе мужа, і гэты крок не стане выключэннем.
Сёння таксама стала вядома, што без ліцэнзіі застаўся адвакат Уладзімір Пыльчанка, які абараняў інтарэсы палітвязняў Марыі Калеснікавай і Эдуарда Бабарыкі.
