Ад моцнага ветру ў Мінску пацярпелі аўтамабілі (фота, відэа)
10 жніўня шквалістым ветрам паваліла навесы на стаянцы ля аднаго са сталічных гіпермаркетаў.
Навесы паваліліся на прыпаркаваныя машыны, пра што распавялі відавочцы на форуме Onliner.by. У аўтамабіляў выбітае шкло і дэфармаваныя элементы кузава.
Для многіх мінчукоў суботні ураган быў нечаканасцю: амаль пры чыстым небе і сонцы раптам наляцеў моцны вецер, пайшла залева з градам, ды яшчэ такая, што амаль нічога не было відаць.