7 лістапада ў Беларусі чакаюцца кароткачасовыя дажджы

У аўторак, 7 лістапада, умовы надвор'я ў Беларусі будзе вызначаць няўстойлівая вільготная паветраная маса атлантычнага паходжання, паведамляе Белгідрамет.

Уначы на большай частцы тэрыторыі краіны, а ўдзень месцамі пройдуць кароткачасовыя дажджы. Уначы і зранку ў асобных раёнах прагназуецца слабы туман. Вецер будзе паўднёва-заходні парывісты.

Тэрмометры ўначы пакажуць 3-9 вышэй за нуль, удзень чакаецца 7-13 цяпла.