27 вуліц Гомеля засталіся без электрычнасці

На 27 вуліцах Цэнтральнага раёна Гомеля 13 ліпеня знікла электрычнасць. "Гомельэнерга" паведамляе, што аварыйнае адключэнне адбылося ў 16:41.

У спісе пацярпелых — вуліцы Чыгуначная, Камсамольская, Палеская, праспекты Леніна і Перамогі ды іншыя. Акрамя таго, электрычнасці няма і на аўтавакзале Гомеля.

Нядаўна яшчэ большы блэкаўт здарыўся ў Магілёве, Оршы, Бялынічах, Шклове і шэрагу іншых гарадоў Усходняй Беларусі. Тады прычынай стала аварыя на Лукомльскай ДРЭС.