21 удзельнік ультрамарафона ў Кітаі загінуў пад ледзяным дажджом
![Ратавальнікі нясуць насілкі падчас працы ў месцы, дзе з-за экстрэмальных халадоў загінулі ўдзельнікі ультрамарафонскага забегу на 100 км, правінцыя Ганьсу, Кітай, 22 траўня 2021 года / Reuters](/sites/default/files/styles/gallery_main/public/2023-08/rtxcjke5.jpg.webp?itok=mkMaOvm3)
Ратавальнікі нясуць насілкі падчас працы ў месцы, дзе з-за экстрэмальных халадоў загінулі ўдзельнікі ультрамарафонскага забегу на 100 км, правінцыя Ганьсу, Кітай, 22 траўня 2021 года / Reuters
У Кітаі падчас горнага 100-кіламетровага ультрамарафону пры экстрэмальных умовах надвор'я загінуў 21 бягун, піша кітайскае інфармацыйнае агенцтва "Сіньхуа".
Спаборніцтвы праходзілі 22 траўня ў правінцыі Ганьсу на паўночным захадзе краіны. Падчас высакагорнага этапу гонкі пачаўся град, ледзяны дождж і ўраган. З-за пагаршэння ўмоў надвор'я знізілася тэмпература паветра. Гонку вырашылі спыніць толькі тады, калі без вестак зніклі некаторыя ўдзельнікі марафону.
Каб знайсці зніклых, былі мабілізаваныя 1200 ратавальнікаў. Пошукі доўжыліся ўсю ноч — ніяк не ўдавалася знайсці апошняга ўдзельніка гонкі. Ускладняла ратавальную аперацыю і зніжэнне тэмпературы паветра. У выніку ратавальнікі паведамілі, што гоншчык загінуў.
Усяго ў забегу бралі ўдзел 172 чалавекі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.