10 красавіка ў Беларусі будзе да +15
Воблачнае з праясненнямі надвор'е чакаецца ў Беларусі 10 красавіка, інфармуе Белгідрамет.
Будзе пераважна без ападкаў, толькі па паўднёвым усходзе краіны пройдуць кароткачасовыя дажджы. У асобных раёнах уначы і зранку прагназуецца слабы туман. Вецер будзе паўночна-заходні, паўночны ўмераны.
Уначы будзе -5...+2, удзень паветра прагрэецца да 6-13 вышэй за нуль. Найбольш цёпла будзе па паўднёвым усходзе: уначы 3-8 са знакам "плюс", удзень 14-15 цяпла.
