З'явіліся араматычныя свечкі ў форме бюста Лукашэнкі (фота)
З'явіліся араматычныя свечкі ў форме бюста Аляксандра Лукашэнкі. Іх стварыў брэсцкі мастак Ілля Дудараў. Як інфармуе партал tut.by, спачатку ён вырабіў 18-сантыметровыя гіпсавыя бюсты кіраўніка дзяржавы. У Лукашэнкі суровы погляд і Дудараў планаваў падарыць бюсты чыноўнікам, "у якасці стымулятара працаздольнасці". Пасля з'явілася ідэя адліць бюсты ў выглядзе свечак. Яны пахнуць імбірам і абрыкосам.
