Зяленскі: 30% энергасістэмы Украіны разбурана пасля расійскіх удараў
![Ратавальнікі працуюць у Кіеве на месцы расійскага ўдару / https://www.facebook.com/MNS.GOV.UA](/sites/default/files/styles/gallery_main/public/2023-08/311983241_1245450446234441_4720721336747553951_n.jpg.webp?itok=fHx1d18g)
Ратавальнікі працуюць у Кіеве на месцы расійскага ўдару / https://www.facebook.com/MNS.GOV.UA
30% энергасістэмы Украіны разбурана пасля расійскіх удараў, якія працягваюцца з 10 кастрычніка. Гэта "прывяло да масавых адключэнняў электраэнергіі па ўсёй краіне". Пра гэта ў аўторак у Twitter напісаў украінскі прэзідэнт Уладзімір Зяленскі. Ён адзначыў, што на гэты раз "расійскія тэрарыстычныя атакі" накіраваны "на энэргетыку і крытычную інфраструктуру". У такіх умовах, "не засталося месца для перамоваў з рэжымам Пуціна", піша Зяленскі.
14 кастрычніка Уладзімір Пуцін заявіў, што "цяпер няма неабходнасці ў нанясенні масіраваных ракетных удараў па тэрыторыі Украіны". Тым не менш, яны працягваюцца, у тым ліку з выкарыстаннем іранскіх баявых беспілотнікаў.
Another kind of Russian terrorist attacks: targeting energy & critical infrastructure. Since Oct 10, 30% of Ukraine’s power stations have been destroyed, causing massive blackouts across the country. No space left for negotiations with Putin's regime. @United24media pic.twitter.com/LN4A2GYgCK
— Володимир Зеленський (@ZelenskyyUa) October 18, 2022
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.