ЗША перадалі Украіне ўзбраенне для контрнаступу на поўдні — СNN
ЗША перадалі Украіне ўзбраенне для контрнаступу на поўдні, мэта якога — вызваленне акупаваных расіянамі тэрыторый. Украінскія Узброеныя сілы яго назапашвалі на працягу некалькіх месяцаў, паведамляе СNN са спасылкай на прадстаўніка Белага дома.
Адзначаецца, што ЗША выканалі многія згаданыя запыты Кіева. У прыватнасці, былі новыя пастаўкі артылерыі, боепрыпасаў і Javelin.
Пра пакеты гэтай амерыканскай дапамогі Украіне было вядома. Аднак трымалася ў таямніцы, што пастаўкі распрацавалі часткова для забеспячэння ўкраінскага контрнаступу.
