Зорку валейбола знайшлі забітай у лімонным гаі ў Іспаніі
Целы нідэрландскай зоркі валейбола Інгрыд Вісэр і яе партнёра Ладэвейка Северэйна выяўленыя ў лімонным гаі аўтаномнай супольнасці Мурсія.
Мясцовая паліцыя арыштавала трох падазраваных у забойстве гэтай пары, перадае ВВС.
Вісэр і Северэйн зніклі з гатэля ў горадзе Мурсія каля двух тыдняў таму. Знікненне пары выклікала шырокі розгалас у Нідэрландах. У самой Мурсіі шэраг добраахвотнікаў клеіў абвесткі з фатаграфіямі на вокнах крам у надзеі дапамагчы следству.
Інгрыд Вісэр праславілася як спартоўка, якая правяла найбольшую колькасць гульняў за нідэрландскую валейбольную зборную.
Фота — ru.euronews.com
