Жыхарам мінскай Новай Баравой толькі праз тыдзень сказалі пра небяспеку ад вады

Вада ў Новай Баравой

Вада ў Новай Баравой / каментарыі ў супольнасці А-100 Камфорт

У Мінску на якасць вады пачалі скардзіцца ў чатах раёна жыхары Новай Баравой, заўважыла "Наша Ніва".

У адных з кранаў цячэ нешта падобнае да нафты. У іншых — вада нібыта чыстая, але на наступны дзень у ёй утвараецца незразумелы асадак.

16 красавіка на скаргі адрэагавалі ў кампаніі А-100, якая кіруе гэтымі дамамі. Там паведамілі, што аб праблеме ведаюць і ўжо цэлы ьыдзень вядуць на гэты конт перамовы з "Мінскводаканалам". Жыхарам раёна рэкамендавалі не ўжываць ваду з-пад крана.

Людзі абурыліся, што цэлы тыдзень ім не паведамлялі аб праблемах з вадой. "Ведалі, што тыдзень ідзе кепская вада, і маўчалі? Чаму раней не напісалі пра праблему? Да ўчарашняга вечара карысталіся вадой з крана і фільтра, не падазраючы праблемы, цяпер зразумела, чаму жываты баляць", — напісала адна з жыхарак.

Удзень 16 красавіка кампанія А-100 паведаміла, што з 13:30 "Мінскаводаканал" будзе прамываць вадаправод у Новай Баравой. Якасць вады можа пагоршыцца, ціск можа знізіцца. У 18:00 у раён абяцалі чыстую пітную ваду. 
 

Flowers Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі