Жыхара вёскі ў Асіповіцкім раёне пакаралі за амерыканскі сцяг
Жыхара вёскі Вярэйцы ў Асіповіцкім раёне пакаралі за вывешаны амерыканскі сцяг, піша sb.by.
Напрыканцы красавіка падчас "адзінага дня прыёму грамадзян" у Асіповіцкім раёне скаргі выслухоўвала старшыня Савета Рэспублікі Наталля Качанава. Адзін з візіцёраў паскардзіўся на жыхара Вярэйцаў, які вывешвае каля свайго дома сцяг ЗША.
Чыноўнікі райвыканкама адразу паведамілі Качанавай: "Цяпер сцягі ЗША на прыватным падворку знятыя, а яго ўладальнік прыцягнуты да адміністрацыйнай адказнасці".
Хутчэй за ўсё, мужчыну пакаралі паводле арт. 24.23 КаАП (несанкцыянаванае пікетаванне).
