Вы тут

Журналіста Чудзянцова этапавалі з Брэста ў Мінск

Уладзімір Чудзянцоў / Максім Чарняўскі

З Брэста ў Мінск этапавалі журналіста Уладзіміра Чудзянцова. Пра гэта журналістам Радыё "Свабода" сказаў адвакат Аляксандар Галіеў.

"Аб прычынах паведаміць нічога не магу. Больш падрабязную інфармацыю буду ведаць на працягу некалькіх дзён", — дадаў адвакат.

Супраць Чудзянцова расследуюцца дзве крымінальныя справы — за наркотыкі і сексуальныя дзеянні з непаўналетнімі.  

46-гадовага Чудзянцова затрымалі 21 лістапада 2019 года, калі ён ехаў у Польшчу. Паведамлялася, што пры ім знайшлі наркатычныя рэчывы. Блогер NEXTA заявіў, што Чудзянцоў дапамагаў яму з кантэнтам для ягонага Telegram-канала і ў стварэнні фільма "Лукашэнка. Крымінальныя матэрыялы".

Праз нейкі час пасля затрымання на Чудзянцова пачалі справу за сексуальныя дзеянні з непаўналетнімі. Падставай стала публікацыя ў "Нашай Ніве". 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.