Жанчыне, якая выхоўвае 13 дзяцей, прысудзілі тры гады "хатняй хіміі"

29/03/2022 - 17:29

Тры гады "хатняй хіміі" атрымала Вікторыя Онахава-Жураўлёва. Такі прысуд вынесла ёй суддзя Бальшакова з Пружанскага суда, паведамляюць праваабаронцы.

Пасяджэнні па справе Вікторыі праходзілі 28 і 29 сакавіка. Яе абвінавачвалі па ч. 2 арт. 367 Крымінальнага кодэкса ("Паклёп у дачыненні да прэзідэнта Рэспублікі Беларусь").

Паводле абвінавачвання, жанчына пакінула ў тэлеграм-чаце каментар з паклёпам на Аляксандра Лукашэнку.

Дарэчы, Вікторыя Онахава-Жураўлёва выхоўвае 13 дзяцей, сярод якіх дзевяць — прыёмныя.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.