Зграя бяздомных сабак тэрарызуе вёскі ў Лідскім раёне

У эфіры тэлебачання паказалі кадры са зграяй, а таксама наступствы іх нападаў — мёртвую хатнюю скаціну. Адна з мясцовых жыхарак баіцца і за кароў — кажа, тыя не змогуць адбіцца ад сабак.

Мясцовыя ўлады ўжо кінулі заяўкі ў паляўнічую гаспадарку і службу адлову, але пры гэтым сказалі, што кожны "павінен сам адказваць за сваю падсобную гаспадарку", у тым ліку ў пытаннях аховы.

Вінаватымі мясцовыя называюць дачнікаў ці мясцовы ўтылізацыйны завод, аднак яснасці ў гісторыі пакуль няма.