"Зеркало": у вёсцы пад Лепелем зваліліся два снарады

18 жніўня чытачы паведамілі сайту "Зеркало", што ў вёсцы Бор Лепельскага раёна на Віцебшчыне зваліліся два снарады. 

Непадалёк ад вёскі размяшчаецца палігон "Лепельскі". Яшчэ на пачатку жніўня Мінабароны анансавала там вайсковыя вучэнні.

Чытач сайта распавёў журналістам, што адзін з снарадаў пацэліў проста ў вясковы гарод, а другі — у возера. На шчасце, пацярпелых няма. На месца здарэння прыехалі міліцыя і МНС.

Афіцыйных каментароў на гэты конт пакуль няма.