Затрымалі саўладальніка адукацыйнага цэнтра "100 балаў" Аляксея Іванова
![Аляксей Іваноў / vk.com](/sites/default/files/styles/gallery_main/public/2023-08/AI.jpg.webp?itok=TylLzJit)
Аляксей Іваноў / vk.com
Затрымалі саўладальніка адукацыйнага цэнтра "100 балаў" Аляксея Іванова. На відэа сілавікоў ён кажа, што быў затрыманы за ўдзел у 2020 годзе ў "несанкцыянаваным мерапрыемстве" і "знаходжанні на праезнай частцы" (разам з Яўгенам Лівянтам). Іваноў кажа, што ён з'яўляецца індывідуальным прадпрымальнікам, называе свой прыблізны гадавы даход.
Раней за краты трапіў кіраўнік цэнтра Лівянт і амаль уся яго сям'я: жонка, дачка, зяць. Яны знаходзяцца на Акрэсціна. На відэа сілавікоў Яўген і Ганна Лівянты прызнавалі свой удзел у пратэстах 2020 года.
Як паведамляе @radiosvaboda, Яўген Лівянт атрымаў 14 сутак арышту, Юлія Лівянт — 15, Ганна Лівянт — 14, Аляксей Іваноў — 14 сутак адміністрацыйнага арышту. Малодшая дачка Лівянтаў Галіна знаходзіцца дома.
Раней міліцыя заяўляла, што па дзейнасці цэнтра "100 балаў" праводзіцца праверка. Сцвярджалася, што ён ажыццяўляў ліцэнзійную дзейнасць, не з'яўляючыся ўстановай адукацыі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.