Забойца віцебскага таксіста атрымаў 23 гады зняволення
Пакаранне за жорсткае забойства ён будзе адбываць у папраўчай калоніі ўзмоцненага рэжыму.
Прысуд 42-гадоваму мужчыну вынес Віцебскі абласны суд. Ён быў прызнаны вінаватым па чатырох артыкулах Крымінальнага кодэкса — "забойства з карыслівых меркаванняў", "разбой", "незаконныя дзеянні ў дачыненні да агнястрэльнай зброі" і "угон транспартнага сродку". Асуджаны мае права абскардзіць прысуд, інфармуе БЕЛТА.
Нагадаем, 20-гадовы супрацоўнік МНС, які ў вольны час падпрацоўваў таксістам, быў застрэлены ў верасні 2012 года ў Віцебску. Справа набыла вялікі грамадскі рэзананс.
