За страляніну ў Гдыні ў 2017 годзе беларуса асудзілі на год турмы
![За страляніну ў Гдыні ў 2017 годзе беларуса асудзілі на год турмы](/sites/default/files/styles/gallery_main/public/2023-08/sviderski-0512.jpg.webp?itok=ooK7dq6J)
Беларуса Сцяпана Свідзерскага ў Польшчы асудзілі на год турмы з трыма гадамі адтэрміноўкі. Такі прысуд быў яму вынесены 27 студзеня за некалькі стрэлаў, зробленых у офісе агенцтва Reuters у 2017 годзе, перадае rmf24.pl.
Суд прызнаў Свідзерскага вінаватым у стварэнні непасрэднай небяспекі страты жыцця і здароўя. Першапачаткова яму выстаўлялі абвінавачанне ў замаху на забойства.
Як распавядала Еўрарадыё, здарэнне адбылося 14 лістапада 2017 года. Па словах Свідзерскага, ён прыйшоў у кампанію Thomson Reuters, дзе працаваў аналітыкам. Хлопец меў пры сабе спартовую зброю, на якую ў яго ёсць дазвол. Свідзерскі заявіў, што футарал з яго зброяй захапіў пабочны чалавек і не рэагаваў на заўвагі. Таму беларус зрабіў папераджальныя стрэлы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.