За сцяг Украіны і герб "Пагоня" глыбачаніна аштрафавалі на 2590 рублёў
![Юрый Татарыновіч / viciebskspring.org](/sites/default/files/styles/gallery_main/public/2023-08/tatarynovicz-2203.jpg.webp?itok=JTAxBFyE)
Юрый Татарыновіч / viciebskspring.org
Прадпрымальніка Юрыя Татарыновіча з Глыбокага аштрафавалі на 2590 рублёў (70 базавых велічыняў), абвінаваціўшы ў парушэнні парадку арганізацыі і правядзення масавых мерапрыемстваў (ч. 1 арт. 24.23 КаАП).
Такі прысуд вынес 3 сакавіка суддзя Глыбоцкага раёна Андрэй Тарасевіч, перадае "Віцебская Вясна".
Мужчыну абвінавацілі ў правядзенні пікета без дазволу Глыбоцкага райвыканкама. "Пікетам" суд палічыў тое, што Татарыновіч паставіў на сваю аватарку ў Фэйсбуку выявы украінскага сцяга і гістарычнага нацыянальнага герба "Пагоня". Таксама на яго старонцы была публікацыя з выявай бел-чырвона-белага палотнішча.
На судзе Татарыновіч віну не прызнаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.