З-за знака на цыстэрне, яе не прапусцілі ў Літву і вярнулі ў Беларусь

З-за знака на цыстэрне, яе не прапусцілі ў Літву і вярнулі ў Беларусь. Пра здарэнне, якое адбылося ў аўторак на літоўска-беларускай мяжы, паведамляе літоўская Мытная крымінальная служба. Мытнікі правяралі грузавы цягнік, які прыбыў з РБ. На цыстэрне, якая перавозіла ўгнаенні або кампаненты для вытворчасці ўгнаенняў, была заўважана літара Z — адзін з сімвалаў расійскай агрэсіі супраць Украіны ("несанкцыянаваная сімволіка"). У выніку яе вярнулі ў Маладзечна.

Адпраўніком грузу, прызначанага для літоўскай кампаніі, з'яўляецца расійская кампанія.