Вы тут

З-за палітычнага крызісу ў Беларусі даходы кампаніі А1 скараціліся на 13,6%

Офіс А1 ў Мінску / citydog.by 

З-за палітычнага крызісу ў Беларусі даходы кампаніі А1 скараціліся на 13,6%. Пра гэта гаворыцца у фінансавай справаздачы Telekom Austria Group, якой належыць беларускі аператар мабільнай сувязі. Аўстрыйскі холдынг тлумачыць зніжэнне прыбытку ў Беларусі наступнымі абставінамі:  

— Абмежаванне з боку дзяржаўных правайдэраў доступу да інтэрнету 

— Загад знізіць прапускную здольнасьць сваёй мабільнай сеткі ў Мінску

— Выкарыстанне функцыі SMS-апавяшчэння ў якасьці рэгулярнага дзяржаўнага каналу для інфармавання грамадзянаў аб “парушэннях нацыянальнай бяспекі”.

Таксама ў дакуменце гаворыцца, што вінаватымі ў пагаршэнні якасці паслугаў з’яўляюцца “ўпаўнаважаныя дзяржаўныя органы”: “Спрабуючы перашкодзіць пратэстам, яны наносяць сур’ёзны ўдар па тэлекамунікацыйным бізнесе ў Беларусі і падрываюць давер з боку інвэстараў”.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.