З войска звольненыя яшчэ двое начальнікаў, якія служылі ў Печах

18 кастрычніка Мінабароны паведамляе аб новых звальненнях. Войска пакідаюць начальнік штаба — першы намеснік начальніка 3-й школы і старшына медыцынскай роты.
Прычынай звальнення з Узброеных сіл стала "непрыняцце мер па прадухіленні гібелі вайскоўца".

Яшчэ двое вайскоўцаў адхіленыя ад выканання службовых абавязкаў. Гэта начальнік штаба — першы намеснік начальніка 72 АНЦ Вячаслаў Шчарбін і начальнік медыцынскай службы цэнтра.

Напярэдадні Следчы камітэт паведаміў аб тым, што па справе аб смерці Коржыча ўжо затрыманыя 10 чалавек: двое афіцэраў, сямёра сяржантаў і адзін прапаршчык — старшына роты, дзе служыў загінулы салдат. Еўрарадыё даведалася імёны некаторых затрыманых.