Юлія Несцярэнка: “Хачу ўзяць удзел у Алімпіядзе-2016 у Рыа-дэ-Жанейра”
Аб гэтым алімпійская чэмпіёнка ў бегу на 100 метраў паведаміла на прэс-канферэнцыі, прысвечанай 10-годдзю яе перамогі на Алімпіядзе ў Афінах.
“Я хачу паўдзельнічаць у Алімпіядзе-2016 у Рыа. Спорт я не кінула — цяпер узмоцнена трэніруюся ў сябе ў Брэсце. Дзякуй Дзяржпагранкамітэту, які мне ўсяляк дапамагае у гэтым. Вядома, выйсці на мой афінскі час цяпер наўрад ці магчыма, але паказаць патрэбныя секунды для кваліфікацыі на Алімпіяду я здольная. Ужо ў найбліжэйшы час планую паўдзельнічаць у спаборніцтвах — думаю, наступным разам з'яўлюся на спаборніцкай дарожцы гэтай зімой”, — цытуе Юлію Несцярэнка tribuna.com.
