Юлія Цімашэнка па просьбе Еўрамайдана сёння спыніць галадоўку
Былая прэм'ер-міністр Украіны абвясціла галадоўку 25 лістапада ў падтрымку падпісання Дамовы пра асацыяцыю з ЕС.
Як перадае УНІАН, пра спыненне галадоўкі на брыфінгу перад харкаўскай лякарняй паведаміла дачка экс-прэм'ера Яўгенія Цімашэнка пасля наведвання маці. Яна адзначыла, што перадала маці петыцыю ад кіеўскага Еўрамайдана з просьбай спыніць галадоўлкую і захаваць сваё здароўе і жыццё. Самая вядомая з палітвязняў Украіны сказала, што галадала на знак салідарнасці з людзьмі і прыслухаецца да іх просьбы.
Па словах дачкі Цімашэнкі, стан яе маці крытычны, яна не перасоўваецца самастойна.
Фота — www.svoboda.org
