Яўген Увядзенскі перадаў прывітанне з Афрыкі ў выглядзе альбома
“Made in Belarus” мусіць спадабацца беларусам.
На старонцы www.Vvedenski.com з’явіўся альбом “Made in Belarus”. Аўтар дыска – Яўген Увядзенскі – некалі музычны журналіст, лідар гурта “Лояльный муравей”, арганізатар серыі фестываляў эксперыментальнай музыкі “Походный шелкопряд” – зараз жыве і працуе ў Заходняй Афрыцы і ў Беларусі бывае наездамі. Падчас наездаў музыка запісаў альбом-падарунак Радзіме.
Пласцінка складаецца з 11 трэкаў, якія канцэптуальна звязаныя паміж сабой. Па меркаванні аўтара, ідэю можна зразумець, выключна цалкам праслухаўшы альбом. Песні ўяўляюць сабою калейдаскоп уражанняў музыкі ад жыцця ў Мінску, якія прадстаўлены ў выглядзе метафар і абстракцый.
Стылістыка альбома пазначана аўтарам як “неа-рок”. Па словах Яўгена, “Made in Belarus” павінен спадабацца Беларусі.