Ярмошына: Па Беларусі яўка на выбарах склала 77%, па Мінску — 61%

Нагадаем, 23 сакавіка ў нашай краіне прайшлі выбары ў мясцовыя саветы. Паводле афіцыйных звестак, за пяць дзён датэрміновага галасавання ўдзел у выбарах узялі 32% выбаршчыкаў.

Лідзія Ярмошына адзначыла "гераічныя высілкі" Мінска — 61% у сталіцы бывае толькі на прэзідэнцкіх выбарах. У Віцебскай вобласці яўка склала больш за 82%, у астатніх — каля 80%, інфармуе БЕЛТА.

Канчатковыя вынікі выбараў ЦВК збіраецца падвесці да пятніцы, 28 cакавіка. Аднак імёны абраных дэпутатаў агучаць ужо раніцай 24 сакавіка.