Ярмошына пасля адстаўкі гатова стаць экспертам ці кансультантам
![Ярмошына пасля адстаўкі гатова стаць экспертам ці кансультантам](/sites/default/files/styles/gallery_main/public/2023-08/000020_185de486c23bd472432587ae004b1e33_914993.jpg.webp?itok=4H4EM4a-)
Экс-старшыня Цэнтрвыбаркама Беларусі Лідзія Ярмошына пасля адстаўкі гатова стаць "экспертам" ці "кансультантам". Яна ачольвала ЦВК 25 гадоў, і папрысутнічала падчас фармавання новага складу камісіі. Новым кіраўніком Цэнтрвыбаркама Аляксандр Лукашэнка прызначыў міністра адукацыі Ігара Карпенку.
"Гэта месца добрае, намоленае, і абсалютна ўпэўненая, што вам тут будзе добра", — цытуе словы Ярмошынай sb.by. Яна сказала, што "заўсёды гатовая прыйсці на дапамогу ў выглядзе эксперта, кансультанта, калі такая неабходнасць узнікне".
"Я зусім не заўважыла, як прабеглі гэтыя гады, — працягвала дзяліцца сваімі перажываннямі з новым складам ЦВК Лідзія Ярмошына. — Гэта былі вельмі добрыя гады. Складаныя, але добрыя".
Як вядома, Лідзія Ярмошына знаходзіцца пад заходнімі санкцыямі. Вынікі выбараў (у тым ліку і 2020 года), якія яна праводзіла, не прызнаюцца Захадам. Там адкрыта заяўляюць пра фальсіфікацыі.
![Ярмошына пасля адстаўкі гатова стаць экспертам ці кансультантам](/sites/default/files/paragraphs/image/0000201639748793475420big.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.