Выйшла кніга “10 стагоддзяў дзяржаўнасці і дыскрымінацыі беларускай мовы”
![Кніга выдадзена ў Беларусі / https://www.facebook.com/ihar.sluchak](/sites/default/files/styles/gallery_main/public/2023-08/318451824_10228587207495807_792365709430942870_n.jpg.webp?itok=KWZ0cWHG)
Кніга выдадзена ў Беларусі / https://www.facebook.com/ihar.sluchak
Выйшла кніга “10 стагоддзяў дзяржаўнасці і дыскрымінацыі беларускай мовы”. Яе аўтар — актывіст і юрыст Ігар Случак.
"Кніга, створаная ў асноўным на падставе маёй шматгадовай практыкі па абароне моўных правоў беларускамоўных беларусаў, афіцыйнай пераспіскі, што налічвае тысячы, а можа ўжо і дзясяткі тысяч лістоў, маёй дыпломнай і магістарскай работы, якія вызначылі месца беларускай мовы ў Беларусі і стан беларускай дзяржаўнай моўнай палітыкі, — піша Случак у Facebook. — Вялікую частку кнігі складаюць цікавыя факты, атрыманыя з перапіскі з дзяржаўнымі і прыватнымі ўстановамі, дэпутатамі, чыноўнікамі, а таксама статыстыка, частку з якой нельга атрымаць анідзе больш, акрамя гэтай кнігі... Дадзеная кніга, як і мае дыпломная і магістарская работы, навукова даказвае, што сёння ў Беларусі на дзяржаўным узроўні, у першую чаргу праз недасканалае моўнае заканадаўства, створаны ўмовы для дыскрымінацыі беларускамоўных беларусаў па моўнай прыкмеце".
Ігар Случак адзначае, што "нават у сённяшнія няпростыя часы кнігу атрымалася напісаць у Беларусі, выдаць у Беларусі і зрабіць гэта пры падтрымцы беларусаў". "Пакуль жыве беларуская мова — будзе і Беларусь", — дадае ён.
![Выйшла кніга “10 стагоддзяў дзяржаўнасці і дыскрымінацыі беларускай мовы”](/sites/default/files/styles/default_image_paragraph/public/paragraphs/image/318335578_10228587206615785_7306986318704773787_n.jpg.webp?itok=a4j6g6cS)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.