Вярхоўная Рада Украіны прагаласавала за закон аб дэалігархізацыі
Вярхоўная Рада Украіны прагаласавала за закон аб дэалігархізацыі. Ён атрымаў 279 галасоў з 379 дэпутатаў. Будзе створаны рэестр алігархаў, фігурантам якога нельга будзе фінансаваць палітычныя партыі ці ўдзельнічаць у "вялікай прыватызацыі". Ім давядзецца падаваць дэкларацыю аб даходах.
У рэестр алігархаў украінцы будуць трапляць пасля рашэння Савета нацыянальнай бяспекі і абароны Украіны. Для гэтага трэба адпавядаць вызначаным крытэрыям: удзел у палітыцы, значны ўплыў на СМІ, валоданне манаполіяй.
Апазіцыянеры пратэставалі супраць скарочанай працэдуры прыняцця скандальнага закона і нават блакавалі трыбуну.
Закон аб дэалігархізацыі — гэта прэзідэнцкі законапраект Уладзіміра Зяленскага.
