Вячаслаў Глеб падпісаў кантракт з "Крумкачамі"
34-гадовы Вячаслаў Глеб падпісаў кантракт з футбольным клубам "Крумкачы". Ён разлічаны да канца 2017 года, паведамляе прэс-служба клуба.
Глеб выступаў за "Крумкачы" ў мінулым сезоне. У першым крузе забіў 7 галоў, а вось другі круг у яго, як і ва ўсёй каманды, не атрымаўся.
"Крумкачы" сталі мне як сям'я, тут такая сямейная атмасфера, — кажа Вячаслаў. — Але будзем не толькі смяяцца, але і працаваць, каб гэты сезон стаў больш удалым, чым папярэдні". Летась каманда заняла ў вышэйшай лізе, у якой дэбютавала, 11-е месца.
