ВВС уключыла Naviband у ТОП-8 фаварытаў “Еўрабачання”
![ВВС уключыла Naviband у ТОП-8 фаварытаў “Еўрабачання”](/sites/default/files/styles/gallery_main/public/2023-08/navi_1.jpg.webp?itok=WDXH_eaW)
ВВС уключыла Naviband у ТОП-8 фаварытаў “Еўрабачання”. На думку брытанскіх музычных крытыкаў, менавіта гэтыя выканаўцы маюць найбольшыя шансы на перамогу ў конкурсе. Прычым у аглядзе беларускі дуэт з песняй “Гісторыя майго жыцця” пастаўлены на першае месца.
“Слухаючы гэтую песню ў выкананні Арцёма Лук'яненкі і Ксеніі Жук, нельга не згадаць магутную энергетыку брытанскага кантры-дуэта The Shires: той жа зухаваты напор, тая ж фолькавая меладычнасць, падкрэсленая выкананнем на роднай, беларускай, мове”, — так характарызуе брытанскі крытык Naviband.
У лік фаварытаў брытанцы залічылі толькі восем удзельнікаў. Апроч Беларусі, гэта Бельгія, Балгарыя, Італія, Партугалія, Малдова, Румынія і Швецыя.