Пераможца “Еўрабачання” выпісаны з лякарні пасля перасадкі сэрца
![Пераможца “Еўрабачання” выпісаны з лякарні пасля перасадкі сэрца](/sites/default/files/styles/gallery_main/public/2023-08/sabral_2.jpg.webp?itok=P9mbYLWI)
Зорка “Еўрабачання” і пераможца конкурсу 2017 года Салвадор Сабрал выпісаны з лякарні пасля перасадкі сэрца. Як паведамляюць замежныя СМІ, паспяховая аперацыя прайшла ў снежні ў лякарні Санта-Крус непадалёк ад Лісабона. Як адзначаюць медыкі, 28-гадовы партугальскі спявак аднаўляецца “вельмі здавальняюча”. Пры гэтым пакуль што музыка вымушаны будзе абмежаваць фізічную актыўнасць.
Салвадор Сабрал атрымаў перамогу на леташнім “Еўрабачанні” з песняй Amar pelos dois (“Кахаць за дваіх”). Тэкст да кампазіцыі напісала яго сястра.