Вікторыя Азаранка прапусціць тэнісны турнір Citi Open у Вашынгтоне
Яна разлічвае вярнуцца на корт 8 жніўня.
Вядучая беларуская тэнісістка Вікторыя Азаранка не прыме ўдзел у тэнісным турніры Citi Open у Вашынгтоне. Прычынай гэтага стала траўма правага пляча, паведамляе БЕЛТА. Азаранка павінна была стартаваць на гэтых спаборніцтвах 2 жніўня, але знялася з турніру.
Але ўжо 8 жніўня яна выступіць на турніры Rogers Cup у канадскім Таронта.
Цяпер Вікторыя Азаранка займае 19-е месца рэйтынгу WTA. Дарэчы, сёння, 31 ліпеня яна святкуе дзень народзінаў — беларускай спартсменцы спаўняецца 26 гадоў.
Фота: Eurosport
