Коўл спадзяецца прыехаць у Беларусь у наступным месяцы
Джон Коўл / president.gov.by
Джон Коўл спадзяецца прыехаць у Беларусь у наступным месяцы. Ён мяркуе, што што тады Лукашэнка вызваліць яшчэ "сотні чалавек". Так спецпасланнік Трампа адказаў на пытанне Reuters пра свой наступны візіт у Мінск.
"Я спадзяюся, што сотні будуць вызваленыя. Я не ведаю. Гэта мая надзея", — сказаў Коўл.
Пасля цяперашняга візіту Коўла ў Беларусь былі вызваленыя 25 палітвязняў. Тым часам праваабаронцы "Вясны" кажуць, што рыхтавалася вызваленне як мінімум 200 чалавек. Прычым большасці з іх, як меркавалася, дазволяць застацца ў Беларусі. Сам Коўл назваў дамову пра вызваленне 25 чалавек прамежкавай і анансаваў працяг перамоваў і далейшыя вызваленні палітвязняў.
