Вікторыя Азаранка на "Ралан Гарос" выйшла ў другі круг
Вікторыя Азаранка / rts.ch
Беларуская тэнісістка Вікторыя Азаранка (21-е месца ў рэтынгу WTA) з перамогі стартавала на турніры "Ралан Гарос".
У двух сэтах наша суайчынніца разграміла Надзю Падароску (59) з Аргенціны — 6:1, 6:0. Гульня доўжылася 1 гадзіну 1 хвіліну.
Наступнай саперніцай Азаранка будзе расіянка Міра Андрэева (38).
Як распавядала Еўрарадыё, раней у 1/32 фіналу "Ралан Гарос" выйшла яшчэ адна беларуска — Арына Сабаленка.
