Віцебскіх дэсантнікаў адпраўляюць у лясы

У Беларусі анансаванае брыгаднае тактычнае вучэнне, у якім з 20 сакавіка ўдзельнічае 103-я Віцебская асобная гвардзейская паветрана-дэсантная брыгада. "У ходзе вучэння адпрацоўваюцца пытанні перамяшчэння падраздзяленняў паміж населенымі пунктамі, размяшчэння на мясцовасці ў лясных масівах", — паведамляе Мінабароны.

Падраздзяленні брыгады "будуць выконваць тактычныя дзеянні", у тым ліку і з выкарыстаннем беспілотнікаў. Дэсантнікі адпрацуюць стральбу з аўтаматаў і гранатамётаў.

Нядаўна на палігоне віцебскія дэсантнікі адпрацоўвалі "баявыя дзеянні ў гарадскіх умовах".