Вы тут

Віцебскі абласны суд ліквідаваў "Полацкі габрэйскі культурны цэнтр"

Полацк у спісе габрэйскіх грамадаў, знішчаных падчас Халакосту, у музеі Яд-Вашэм / Вікіпедыя

Віцебскі абласны суд ліквідаваў грамадскае аб'яднанне "Полацкі габрэйскі культурны цэнтр". Як піша "Віцебская вясна", рашэнне было прынятае 14 чэрвеня. Аб'яднанне існавала амаль 30 гадоў і займалася развіццём габрэйскай культуры. 

Дзякуючы дапамозе габрэяў з-за мяжы у Полацку ў 1990-х былі створаныя габрэйскі культурны цэнтр, дабрачынны цэнтр “Хэсэд-Эфраім”, вакальна-інструментальны ансамбль, нядзельная школа, абшчынны цэнтр, тры рэлігійныя грамады — хасідская, прагрэсіўнага юдаізму і арт-клуб ветэранаў, жаночы клуб, курсы па вывучэнні іўрыта і моладзевы клуб габрэйскага Агенцтва "Сахнут", сямейны клуб і шмат іншага. 

Праваабаронцы мяркуюць, што следам за "Полацкім габрэйскім культурным цэнтрам" улады ліквідуюць і іншыя габрэйскія арганізацыі рэгіёну. 

Ліквідацыя грамадскіх арганізацый у Беларусі ідзе з ліпеня 2021 года. Суды зачыняюць нават такія аб'яднанні, якк раварыстаў або пчаляроў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.