Усё кіраўніцтва Украіны выступае за тое, каб ваяваць — Арахамія
Вайна ва Украіне / t.me/V_Zelenskiy_official/
Лідар фракцыі "Слуга народа" ў Вярхоўнай Радзе Украіны Давід Арахамія ў інтэрв'ю журналістцы Наталлі Масійчук расказаў пра настроі, якія пануюць ва ўладзе. Ён заявіў, што ўсё кіраўніцтва Украіны — і вайсковае, і палітычнае — выступае за тое, каб ваяваць супраць Расіі.
"Чаму? Таму што мы не можам цяпер сесці за стол перамоваў. У нас перамоўная пазіцыя вельмі дрэнная", — кажа Арахамія. Ён мае на ўвазе сітуацыю на фронце — акупаваныя расіянамі ўкраінскія тэрыторыі не вызваленыя. Давід Арахамія перакананы, што любыя дамоўленасці, акрамя поўнай перамогі, павінны праходзіць праз рэферэндум.
