Уначы ў аўторак у Беларусі будзе да -7 градусаў, пераважна без ападкаў

У аўторак, 14 снежня, у Беларусі пераважна без ападкаў. Уначы мокры снег і дождж магчымыя па Гомельскай вобласці, а ўдзень месцамі па Гродзеншчыне. Сіноптыкі папярэджваюць пра туман і галалёд у асобных раёнах, пра галалёдзіцу, якая месцамі захаваецца на дарогах.

Тэмпература паветра на працягу сутак складзе ад -5 градусаў да +1 (пры праясненнях — да -7). У Мінску ў начныя гадзіны — 2-4 марозу, у дзённыя гадзіны — ад 0 да -2.