Уладзіслаў Кулеш стаў гульцом "Гановера"

Уладзіслаў Кулеш стаў гульцом нямецкага клуба "Гановер". Кантракт з 26-гадовым беларускім гандбалістам падпісаны на адзін год.

Прэс-служба клуба адзначае, што беларус мае "багаты міжнародны вопыт". Звяртае ўвагу яна і на яго рост — 206 см. У Гановер гандбаліст прыязджае з сям'ёй — з жонкай і сынам. Ён прызнаецца, што даўно марыў пра тое, каб пагуляць у Бундэслізе, якая лічыцца наймацнейшай у свеце.

Кулеш — былы гандбаліст мінскага СКА, левы паўсярэдні нацыянальнай зборнай Беларусі. У апошнія сезоны гуляў у Польшчы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.