Гандбалісты "Мяшкоў Брэста" атрымалі 20-ю перамогу запар у чэмпіянаце Беларусі
!["Публiка падтрымлівала хлопцаў па-беларуску"](/sites/default/files/styles/gallery_main/public/2024-02/m001_1.jpg.webp?itok=sGE0X16I)
"Публiка падтрымлівала хлопцаў па-беларуску" / meshkovbrest.by
Гандбалісты "Мяшкоў Брэста" атрымалі 20-ю перамогу запар у чэмпіянаце Беларусі. У чацвёрты раз у гэтым сезоне яны абыгралі свайго галоўнага саперніка — мінскі СКА — 27:26 (17:15). "У сераду быў Дзень роднай мовы, таму на арэне грала беларуская музыка, а публiка падтрымлівала хлопцаў па-беларуску", — піша прэс-служба брэсцкага клуба.
У "Мяшкоў Брэста" ў рэгулярным чэмпіянаце нашай краіны 40 ачкоў, у СКА, які на другім месцы, 30 ачкоў.
Далей будуць матчы плэй-оф. Чвэрцьфінальныя серыі працягнуцца да дзвюх перамог.
![Гандбалісты "Мяшкоў Брэста" атрымалі 20-ю перамогу запар у чэмпіянаце Беларусі](/sites/default/files/styles/default_image_paragraph/public/paragraphs/image/V9lyPvOVLFc.jpg.webp?itok=f7mgMB0X)
vk.com/meshkovbrest
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.