Уладзімір Яроменак выйшаў на волю пасля 5 сутак арышту
16 верасня ён, а таксама яшчэ адзін былы палітвязень, Васіль Парфянкоў былі прызнаныя вінаватымі з невыкананні ўмоваў прэвентыўнага нагляду.
У суботу, 21 верасня ля Цэнтру ізаляцыі правапарушальнікаў на Акрэсціна Уладзіміра Яроменка сустрэлі жонка, сябры і аднадумцы, інфармуе БелаПАН.
Тым часам праваабаронцы працягваюць высвятляць лёс Васіля Парфянкова. Напярэдадні яго вывезлі з ізалятару за суткі да заканчэння арышту. 20 верасня на некаторых інтэрнэт-сайтах з’явілася інфармацыя, быццам Парфянкова накіравалі ў лячэбна-працоўны прафілакторый (ЛПП). Праваабаронцы спрабуюць высветліць, ці гэта праўда.
