Уладзімір Макей удзельнічае ў сустрэчы міністраў замежных спраў краін АБСЕ
20-я сустрэча Савета міністраў замежных спраў краін АБСЕ адкрываецца 5 снежня ў Кіеве.
Як паведамляе БелаПАН, паседжанне з'яўляецца самым буйным штогадовым мерапрыемствам АБСЕ міністэрскага ўзроўня. Яна ладзіцца для агляду сітуацыі ў рэгіёне адказнасці арганізацыі, ацэнкі яе дзейнасці і вызначэнні задач на бліжэйшую перспектыву.
Падчас двухдзённай сустрэчы ў Кіеве міністры замежных спраў плануюць абмеркаваць шырокае кола пытанняў, якія ахопліваюць усе галіны супрацоўніцтва ў рамках АБСЕ. Цэнтральным пытаннем стане разгляд папярэдніх вынікаў працэсу "Хельсінкі плюс 40", накіраванага на пабудову "супольнасці бяспекі" на прасторы АБСЕ, і ўхвала адпаведнай міністэрскай дэкларацыі.
Фота — БЕЛТА
