У Мінску праходзіць цырымонія развітання з Уладзімірам Макеем
![Развітанне з Уладзімірам Макеем праходзіць у Доме афіцэраў у Мінску / БЕЛТА](/sites/default/files/styles/gallery_main/public/2023-08/makej_29_11.jpg.webp?itok=FklwGhNA)
Развітанне з Уладзімірам Макеем праходзіць у Доме афіцэраў у Мінску / БЕЛТА
У Мінску праходзіць цырымонія развітання з Уладзімірам Макеем. Міністр замежных спраў раптоўна памёр у мінулую суботу, 26 лістапада.
Адным з першых развітацца з чыноўнікам прыйшоў Аляксандр Лукашэнка. Праўладныя Telegram-каналы пішуць, што Лукашэнка ішоў ад будынка Адміністрацыі прэзідэнта да Дома афіцэраў пешшу. Адзначым, што ў апошнія гады рэзідэнцыя Лукашэнкі знаходзіцца на праспекце Пераможцаў, а не ў будынку на вуліцы Карла Маркса. У любым выпадку і на вуліцы перад Домам афіцэраў, і ў залі, дзе праходзіць развітанне, Лукашэнка быў практычна адзін.
Пасля яго развітацца з Макеем прыйшлі чыноўнікі. Пазней БЕЛТА апублікавала і здымкі людзей, якія стаяць у чарзе. "Каля Дома афіцэраў у Мінску з самай раніцы шмат людзей", сцвярджае агенцтва.
Аб смерці Уладзіміра Макея стала вядома ў суботу. На мінулым тыдні ён прымаў удзел у пасяджэнні АДКБ у Ерэване, сустракаўся ў Мінску з Апостальскім нунцыем у Беларусі Антэ Ёзічам, абмяркоўваў працоўныя планы на будучы тыдзень. Макей павінен быў ехаць у Лодзь (Польшча) на пасяджэнне кіраўнікоў знешнепалітычных ведамстваў АБСЕ. Замест яго Беларусь на саміце будзе прадстаўляць пастаянны прадстаўнік РБ пры АБСЕ ў Вене Андрэй Дапкюнас.
Макей на дыпламатычнай службе з пачатку 90-х. У 2000-2008 быў памочнікам Аляксандра Лукашэнкі, затым узначаліў Адміністрацыю прэзідэнта. У жніўні 2012 вярнуўся ў МЗС на пасаду кіраўніка ведамства.
![В Минске проходит церемония прощания с Владимиром Макеем](/sites/default/files/styles/default_image_paragraph/public/paragraphs/image/makej_29_11_1.jpg.webp?itok=VqYlwSgM)
![В Минске проходит церемония прощания с Владимиром Макеем](/sites/default/files/styles/default_image_paragraph/public/paragraphs/image/makej_29_11_2.jpg.webp?itok=Cep0VsjM)
![В Минске проходит церемония прощания с Владимиром Макеем](/sites/default/files/styles/default_image_paragraph/public/paragraphs/image/makej_29_11_3.jpg.webp?itok=hasSxuS2)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.