У Жодзіна затрымалі актывіста АГП

Калі актывісты ўжо фактычна скончылі раздачу, з’явіліся міліцыянты. Яны затрымалі Дзмітрыя Кавалгiна, які стаяў найбліжэй да прахадной, паведамляе “Радыё ”Свабода”. У пастарунку, куды адвезлі актывіста, гавораць, што зараз высвятляюць усе акалічнасці.

Лідар АГП Анатоль Лябедзька лічыць, што падставаў для затрымання не было. “Ніякіх падставаў для затрымання няма. Мы будзем тут грукаць у дзверы, каб адпусцілі. Улада больш за ўсё баіцца камунікацыі апазіцыі з людзьмі, шчырых адкрытых размоваў з людзьмі на вострыя тэмы”, - гаворыць ён.