У жніўні ў Латвіі адкрыюць цалкам абноўлены помнік Віктару Цою
Легендарны спявак загінуў 15 жніўня 1990 года ў аўтааварыі на 35-м кіламетры шашы Слока — Талсі.
Першы этап работ па падрыхтоўцы да рэстаўрацыі помніка на месцы гібелі быў завершаны 21 чэрвеня, у дзень народзінаў Цоя. Комплексную рэстаўрацыю прызначылі з 6 ліпеня да 14 жніўня.
Як інфармуе сайт delfi.lv, у суботу стары помнік цалкам дэмантуюць і будзе рыхтавацца новы пастамент, які зробяць з чорнага граніту. Агароджу дапоўняць мастацкім фрагментам, па матывах малюнкаў Цоя. Скульптуру Віктара Цоя перавязуць у майстэрню для рэстаўрацыі, а 15 жніўня прыхільнікі творчасці музыканта пабачаць цалкам абноўлены памятны комплекс. На ім абсталююць аўтаномную дэкаратыўную падсветку.
Нагадаем, помнік Віктару Цою на месцы яго гібелі быў адкрыты 11 гадоў таму.
