Вы тут

У Жлобіне пад коламі грузавіка загінуў 13-гадовы раварыст

На месцы трагедыі / Фота гомельскай міліцыі

У Жлобіне пад коламі грузавіка загінуў 13-гадовы раварыст. Падлетак пераязджаў дарогу ў неўстаноўленым для гэтага месцы злева направа па ходзе руху аўтамабіля "ЗІЛ" (ім кіраваў 36-гадовы мужчына).

Як інфармуе прэс-служба гомельскай міліцыі, трагічнае здарэнне адбылося ў чацвер каля 16:30 па вуліцы Карла Маркса. Хлопчык атрымаў цяжкія траўмы і памёр на месцы ДТЗ.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.